Ji bo Rojavayê, banga hevkarî û piştgirîyê
Yêk ji bilindtirîn bihayên mirovahîyê azadî ye. Xelkê Kurd digel welatîyên xwe bi têkoşîna salan dergehê azadîyê li ser welatê xwe vekirîye. Vê berxwedana dûr û dirêj digel xwe destkevtên bihadar jî înane. Duhî Başûra Kurdistanê bû xwudan statu û îro jî Rojavaya Kurdistanê li ser vê rêyê ye û Kurdistanîyan li Rojavayê rêvebirîyeke xweser ava kirine, di warê leşkerî û polîsî da asayişa welatî temîn kirine, îdareya welatî hilgirtine bin kontrolê. Kurd û Kurdistanî li milekê têkoşîna azadîya xwe û welatê xwe didin, li milê dî ji bo avakirina Rojhilatanavîn ya demokratîk jî bedelên giran didin ku digel azadîyê, aramî û aştîya navçeyê jî pêkbêt. Mixabin ku hêz û dewletên berjewendî û qazanca xwe di têkvedan û arêşeyê da dibînin nahêlin ku li Rojhilatanavîn tenahî, azadî, wekhevî, aştî û dadyarî serdest bibe.
