بەڵگەی ستراتیژیی

بەڵگەی ستراتیژیك

بەڵگەی ستراتیژیی نەتەوەیی كوردستان

بۆچی ئەم بەڵگەیە?
خەبات و تێكۆشان لە نێوان ھێزە كوردستانیەكان و دەوڵەتانی كۆلۆنیالست دا بە قۆناغێكی نوێ گەیشتووە. بۆ ئەم پێشھاتانە لە ھەر كاتێك زیاتر پێویستی بە یەكڕیزی و رێكەوتنی ناوخۆیی ھەیە. تاوەكو ئەمڕۆ بۆ ھێنانەكایەی یەكیەتی نەتەوەیی كار و خەباتی زۆری بۆ كراوە و ھەوڵ و ھەنگاوەكانیش بەردەوامن. بەڵام مخابن كە تاوەكو ئێستایش پلاتفۆرمێك كە ” بێ استسنا ” ھەموو ھێزە نەتەوەیی و نیشتیمانیەكان لە یەكتر كۆبكاتەوە پێكنەھاتووە. دوای ئەزموونە تاڵەكانی رابردوو، ئەمڕۆ ھەستی نەتەوەیی لە ھزر و بیری گەلی كورد دا لە بەرزبوونەوەدایە و گەلەكەمان ئەمە وەكو ئەركێكی سەر شانی ھێزە سیاسیەكان فەرز دەكات. لە رۆژی ئەمڕۆ دا، كیشەی كورد و كوردستان پێویستیەكی ژیانی بە یەكیەتی نەتەوەیی ھەیە. ئیدی لە نێوان ھێزە نەتەوەییەكان دا رەخساندنی زەمینەو كەناڵەكانی گفتوگۆ پێویستیەكی زەروریە. زەمینەیەك كە گشت ھێزە نەتەوەیی و نیشتیمانیەكان بەیەكەوە ببەستێتەوە، پێویستە بە پەلە و چەندی زووترە فەراھەم بكرێ و بێتە كایەوە. لەگەڵ ئەمەش ئەو نۆرم و فۆرمانەی كە بەیەكەوە ھێزە نەتەوەیی و نیشتیمانیەكان لەسەر بەرژەوەندیە نەتەوەییەكان ئەیبەستێتەوە پێویستە دابمەزرێ و لە ژیانی پراكتیزەی سیاسەتی نەتەوەیی دا بەدەستبێ. لە پێناو ئەم ئامانجە، ئێمە لە كۆنگرەی نەتەوەیی كوردستان – كنك ئەم “بەڵگە ستراتیژیەی یەكیەتی نەتەوەیی” پێشنیار دەكەین كە لە بیروڕای گشتی ی نەتەوەیی دا بە بەرفراوانی تاوتوێ و گفتوگۆی لەسەر بكرێ و بە ئەنجامێك كە لە بەرژەوەندی گەلی كورد و كوردستان بێت بگات.

دەوڵەتانی داگیركەر و كۆلۆنیالەكانی كوردستان:
كوردستان كۆلۆنیایەكی نێونەتەوەییە لە رۆژھەڵاتی ناوەڕاست. لەتەك زوڵم و زۆری كۆلۆنیالیزمی دەوڵەتانی توركیا، ئێران و سوریا لەسەر كۆمەڵانی خەڵكی كوردستان، چوارپارچەیی خاكی كوردستانیش بەردەوامە. نەتەوەی كورد لەژێر دەستی ئەم دەوڵەتە داگیركەر و كۆلۆنیستانە دایە و لە ھەموو مافە نەتەوەیی و دیموكراسیەكانی بێبەش كراوە. ھەروەھا ئەگەر لەسەر ئاستی جودایش دا بێت، لە سەرانسەی كوردستان، سیاسەتی شەڕ، تواندنەوە و ئینكاركردنی میللەتی كورد بەردەوامی ھەیە.

پارچەكەی كە لەژێژ سنوری فەرمی عێراق دا یە، فۆرمێكی نوێی وەرگرتووە:
لە نێو عێراقی فیدڕال دا، سەرەڕای واقیعی ئێستای ھەرێمی كوردستان ( باشوری كوردستان ). رەفتار و ھەلوێستی حكومەتی عێراقی فیدڕاڵی مەركەزی “ئانتی كوردستان” بە گشتی كێشەی كوردستان و مافە نەتەوەیی و نیشتیمانیەكانی كورد، لەناوخۆ دا چاوەڕوانی مەترسی خەتەرناكی لێ دەكرێ. بۆیە لەم بارەوە پێویستە ئاگایی و وشیاری نەتەوەیی بەرز رابگیرێ.

لە ” ستراتیژی نەتەوەیی ” دا دینامیكەكانی ناوەخۆ و دەرەوە:
ھەرەوەزی و ھەماھەنگی بەیەكەوەی ھێزە نەتەوەیی و نیشتیمانیەكان بە تێكۆشانێك بە رێ و مێتودگەلی رەوای سیاسی، رزگاری كوردستان و ئازادی نەتەوەیی كورد و گەلانی كوردستان لە ژێر دەستی دوژمنانی داگیركەر و كۆلۆنیالیست مانای ” ستراتیژی نەتەوەیی ” دەگەیێنێ.
لە دانان و جاڕدانی ” ستراتیژی نەتەوەیی ” دا خاڵی بنەڕەتی و بڕیاردەر ” بەرژەوەندیە كانی دیموكراتی ی نەتەوەیی و نیشتیمانین “.

بە ناوی گەلی كورد و گەلانی تر، گشت ئۆرگانەكانی سیاسی- كۆمەڵایەتی، كولتوری-كۆمەڵایەتی و ئابوری-كۆمەڵایەتیەكانی نەتەوەیی، كەسایەتی سیاسی و رۆشنبیری، وەك ھێزی گەورەی نەتەوەیی، پێكھاتەی كۆمەڵایەتی ستراتیژی نەتەوەیی پێكدێنن.
ھێزە نەتەوەییەكانیش، سیاسەتەكانی خۆیان لەسەر كوردستان راستەوخۆ یان ناراستەوخۆ بە گوێرەی بەرژەوەندیە جیۆستراتیژیكیەكانی خۆیان بەڕێوەدەبەن. لەبەر ئەم راستیە، ئەبێ بەڵانسی رێیال پۆلێتیكا – سیاسەتی راستەقینەی جیھانی لەبەر چاو بگیرێ و لەپێناو خزمەتی بەرژەوەندیەكانی نەتەوەیی و ئاشتیی رۆژھەڵاتی ناوەڕاست، رێككەوتنی ھەمەلایەنە حیسابی بۆ بكرێ.

ھەلوێستی دەوڵەتە داگیركەرەكان:
دەوڵەتە داگیركەرەكان لە پێناو بەرژەوەندیەكانیاندا لە دژی یەكتر لە چاودێری و ڕكابەری دان. تەنھا لە یەك خاڵدا ھاوڕاو ھاوبەرژەوەندن و بە یەك ئاراستە كاری بۆ دەكەن. ئەویش كوردستان و بزووتنەوەی نەتەوەیی كۆمەڵانی خەڵكی كوردستانە. دەوڵەتانی داگیركەر یەك بە یەك سیاسەتی دژی نەتەوەی كورد پیادەدەكەن و بە یەكیشەوە بە ھەماھەنگی، سیاسەتی دژە كورد و كوردستان لە كردەوە ( پراكتیك) دا جێبەجێ دەكەن.